അടുത്ത പ്രാവശ്യം
കൊല്ലുമ്പോള്‍
നിങ്ങള്‍
മുഖംമൂടിയെങ്കിലും
അണിയാന്‍ മറക്കരുത്,
കൊല്ലുന്നത് നിങ്ങളാണന്നു
ഞാനറിയാതിരിക്കാനാണ്.
ആ മുഖങ്ങള്‍ കണ്ടാല്‍
വലിയ സങ്കടമാവും .
മറ്റു കാര്യങ്ങളൊക്കെ
കഴിഞ്ഞ തവണത്തെ
പോലെ മതി .
സ്നേഹത്തിന്‍റെ നുരയുന്ന
വീഞ്ഞുകളില്‍
ഹെം‌ലക്ക് കലര്‍ത്തി കുടിപ്പിക്കണം
ബോധം മറയുന്നത് വരെ
കളി തമാശകള്‍
പറഞ്ഞു കൊണ്ടിരിക്കണം .
പക്ഷെ ,
അവസാന തുടിപ്പ്
നിലക്കുന്നത് വരെയും
ഇട്ടേച്ചു പോയെക്കരുത്
എന്താന്നാല്‍
ആറിഞ്ചു നീളമുള്ള
കത്തിയെ
കബളിപ്പിച്ചിട്ടുണ്ട്
ഞാനൊരിക്കല്‍ .
പിന്നീട് നിങ്ങളെഴുതുന്ന
ആദ്യ കവിതക്ക്
എന്റെ
ചങ്കിലെ ചോര കൊണ്ട്
നന്ദി ഈ സ്നേഹത്തിനെന്നു
ശീര്‍ഷകമെഴുതണം .
ഇത്രയേ വേണ്ടൂ ..!
*ഹെം‌ലക്ക് -സോക്രട്ടീസിനെ കുടിപ്പിച്ച വിഷം .
No comments:
Post a Comment