നമ്മള്‍
കാലത്തിന്റെ
ഇരുട്ട് നിറഞ്ഞ
അതിരില്‍ വെച്ചാണ്
പരിചയപ്പെട്ടത്
പാഥേയം നഷ്ടമായ യാത്രികരെ
പോലെയായിരുന്നു നമ്മളപ്പോള്‍ .
കാലിയായ തോള്‍സഞ്ചി പോലെ
നമ്മുടെ മനസ്സും
നമ്മുടെ
ആകശഭൂമികള്‍
ഏതോ ഗുഹക്കുള്ളില്‍
ശ്വോസം കിട്ടാതെ
എരിപിരി കൊള്ളുന്നതിനെ കുറിച്ചാണ്
നമ്മളാദ്യം സംസാരിച്ചത് .
നിഴലുകള്‍
നഷ്ടമായവരുടെ സംഘങ്ങള്‍
തമ്പടിച്ചിരിക്കുന്നത്
ഇവിടെയാണ്‌ .
ശ്മശാനങ്ങള്‍ സ്മാരകങ്ങളോട്
സങ്കടം പറഞ്ഞു കരയുന്ന
ഗര്‍ത്തങ്ങളിലേക്ക്
ഇനിയധികം ദൂരമില്ല
ആരും കാണാതെ
നീ ഒളിപ്പിച്ചു കൊണ്ടുവന്ന
ആകാശ ഭൂമികളുടെ
പൊട്ടും പൊടികളും
നമുക്കിവിടെ വെച്ച് ഭാഗിചെടുക്കാം.
അരനാഴിക
നേരമെങ്കിലും
നമുക്കത് പാഥേയമായേക്കും..!
Friday, March 22, 2013
പാഥേയം
Subscribe to:
Post Comments (Atom)
No comments:
Post a Comment