അയാള്‍,
ആദ്യ രാത്രിയില്‍
ഫ്രെഞ്ച് വിപ്ലവത്തിന്റെ
മഹത്വത്തെ കുറിച്ച് വാചലനായി .
അവള്‍,
അയാളെ ബഹുമാനത്തോടെ നോക്കി .
അയാള്‍,
രണ്ടാം രാത്രിയില്‍
ഒക്ടോബര്‍ വിപ്ലവത്തെ കുറിച്ചാണ്
പറയാന്‍ തുടങ്ങിയത് .
അവള്‍ .
അയാളെ സാകൂതം നോക്കിയിരുന്നു .
അയാള്‍ ,
മൂന്നാം രാത്രിയില്‍
മാവോയുടെ ലോങ്ങ്‌ മാര്‍ച്ചിനെ
കുറിച്ച് സംസാരിച്ചു
അവള്‍,
അത്ഭുതത്തോടെ അയാളെ നോക്കി .
നാലാം രാത്രിയില്‍
അയാള്‍ ,
ഗാന്ധിജിയുടെ
ഉപ്പ് സത്യഗ്രഹത്തെ കുറിച്ച്
അവള്‍ക് ക്ലാസെടുത്തു .
അവള്‍,
അയാളെ മിഴിച്ചു നോക്കി .
അയാള്‍,
അഞ്ചാം രാത്രിയില്‍
ബെഞ്ചമിന്‍ മോലോയിസ്സിന്റെ
കവിതയെ കുറിച്ച്
പറയുമ്പോള്‍ ,അവള്‍
വിവസ്ത്രയായിരിന്നു .
അപ്പോള്‍ അയാള്‍
ഗാന്ധിജിയുടെ
സത്യാന്വേഷണ പരീക്ഷണങ്ങളെ
കുറിച്ച് പറയാന്‍ തുടങ്ങി.
ആറാം രാത്രിയില്‍
അയാള്‍
ചെങ്കിസ്ഖാന്റെ പടയോട്ടത്തെ
കുറിച്ച് പറയുമ്പോള്‍
അവള്‍ ,
തൊട്ടടുത്ത മുറിയില്‍
ഉറങ്ങുകയായിരുന്ന
ഡ്രൈവറുടെ മുറിയിലേക്ക്
നോക്കി
കാനനച്ചോലയില്‍ ആടു മേയ്ക്കാന്‍
ഞാനും വരട്ടയോ നിന്റെ കൂടെ..
എന്ന് പാടികൊണ്ടിരുന്നു ..
No comments:
Post a Comment