ബക്കറ്റില്‍
തിരയിളക്കം കാണാതെ
അപഹാസ്യരായി
ജീവന്‍ നഷ്ടമായ
നരകവാസികളുടെ
ആത്മാകള്‍
സൊറ പറഞ്ഞിരിക്കുന്ന
ആലിന്റെ ചുവട്ടില്‍
വെച്ച്
ചൌഷസ്ക്യു
ഗദ്ദാഫിയെ കണ്ടപ്പോള്‍
ചോദിച്ചതിങ്ങനെയാണ്
"എന്താടാ
നായിന്റെ മോനെ
വിശേഷം ....."
അങ്ങിനെയേ സംബോധന
ചെയ്യാവൂ എന്നാണു
ഇബലീസിന്റെ
ഉത്തരവ് .
ബക്കറ്റില്‍ തിരയിളക്കം
കാട്ടിമോഹിപ്പിക്കുന്ന
കള്ളഹിമാര്‍
ഓനാണല്ലോ
ഗദ്ദാഫി സൈക്കിളില്‍
നിന്ന് വീണപോലെ
വളിച്ച ചിരി പാസാക്കി
ഫറോവയും
ചെങ്കിസ്ഖാനും
ആര്‍ത്തുചിരിച്ചു ..
കൂടെ മറ്റുള്ളവരും ...
അനന്തരം
ബക്കറ്റിന്റെ കെണിയില്‍
പെട്ടവരെയും
പെടാനിരിക്കുന്നവരെയും
കുറിച്ച് സംസാരിച്ചുകൊണ്ടിരുന്നു
പര്‍വെസ്‌ മുഷറഫിന്റെ
പച്ച ബക്കറ്റിന്റെ കാര്യം
പറഞ്ഞതോടെ
ഹിറ്റ്ലര്‍ക്ക് ചിരിയടക്കാനയില്ല
മുസ്സോളനിയും ചിരിയില്‍
പങ്കു കൊണ്ടപ്പോള്‍
അതൊരു കൂട്ടച്ചിരിയായി ...
കുറച്ചകലെ
മാറിനിന്ന് ,
വോഡ്ക മണക്കുന്ന ,
കറുത്ത കോട്ടിട്ട കട്ടിമീശക്കാരന്‍
ബ്ലെടി ഫക്ക് ,
ബോള്‍ഷെവിക് ഫക്ക്
എന്നട്ടഹസിക്കുന്നുണ്ട്
ഫറോവയാണല്ലോ
സംഘതലവന്‍
മൂപര്‍ ചോദിച്ചു
എന്താടോ കോട്ട് മുക്രീ
നീ കിടന്നു കീറുന്നത് ...
ചുവന്ന ബക്കറ്റില്‍
തിരമാല കോരിനിറച്ചു
പുളകംകൊള്ളുന്ന
കടല്‍ കിഴവനെ
ചൂണ്ടി ക്യുബന്‍ ചുരുട്ട്
ആഞ്ഞുവലിച്ചു ..
ശേഷം ഇങ്ങിനെ
പറഞ്ഞു ..
കണ്ടില്ലേ ..
കള്ളഹിമാര്‍
കാട്ടുന്ന പണി ...
അപ്പോഴും
ആര്‍ക്കൊക്കയോ
ബക്കറ്റില്‍
തിരമാല കോരിയെടുക്കുന്ന
വിദ്യപഠിപ്പിക്കുകയായിരുന്നു
ഇബ്‌ലീസ്..!
No comments:
Post a Comment