വര്‍ണ്ണകുമിളകള്‍

ഉറക്കമാരംഭിച്ചു
കൃത്യം മുപ്പത്തിനാലാം
മിനുട്ടില്‍
വര്‍ണ്ണശബളിമയാര്‍ന്ന
ഒരു കുമിള
നമുക്കരികിലേക്ക് വരും ..

അത്
പതിയെ
വലിയൊരു പേടകമായി
വളര്‍ന്നു കഴിയുമ്പോള്‍
ഉറക്കമാരംഭിച്ചു
കൃത്യം നാല്പതു
മിനുട്ടായിരിക്കും

നമ്മള്‍
കയറികഴിഞ്ഞാല്‍
നീല മേഘങ്ങള്‍ക്കിടയിലൂടെ
ആകാശത്തിന്റെ പടിഞ്ഞാറേ
അതിരില്‍ നിന്നും
രണ്ടു നാഴിക കിഴക്കോട്ട്
പോയാല്‍  അനേകായിരം
വര്‍ണ്ണങ്ങളില്‍ ഒരു
ഭീമന്‍കുമിള  കാണാം
അതിനുള്ളിലാണ് നമുക്ക്
ഇറങ്ങേണ്ടത് .

ഇപ്പോള്‍ നമ്മള്‍ കുമിളക്കുള്ളിലാണ്
ഉറക്കമാരംഭിച്ചു
കൃത്യം അമ്പതു മിനുട്ടായിരിക്കുന്നു ..

ഉല്പത്തിയുടെ നാള് തൊട്ടു
കിനാവിന്റെ അമ്പതാം മിനുറ്റ്
വരെയുള്ള ഉമ്മകള്‍ മുഴുവന്‍
ശേഖരിച്ചു വെച്ചിതവിടെയാണ് .
ഉമ്മകളുടെ സ്വൊന്തം
റിപ്പബ്ലിക്കായി നിലകൊള്ളുന്നു
ഹലാക്കിന്റെ കുമിള ..

ഇഷ്ഖിന്റെ ബാധയേറ്റ
നാള് മുതല്‍ ഇവിടെ
വരാത്ത രാത്രങ്ങളില്ല
അത് കൊണ്ടാണല്ലോ
കിനാവിന്റെ  പെന്‍ഡുലങ്ങളുടെ
മിടിപ്പറിയാനവുന്നത് .

ചുംബനങ്ങള്‍ ഒഴുകി
നടക്കുന്ന പേരറിയാത്ത
ഈ കുമിളയെ നമുക്ക്
പാരഡേയ്സ് ഓഫ് കിസ്സ്
എന്ന് നാമകരണം ചെയ്യാം

സ്വോര്‍ഗീയ ചുംബനങ്ങളുടെ
മായകാഴ്ചകള്‍ കണ്ടു
നമ്മള്‍ മടങ്ങുന്നതെയില്ല
പക്ഷെ ..
സുഷുപ്തിയുടെ
വളവില്‍ ഏതോ കാട്ടു
ചോലയുടെ കളകളാരവം
കേട്ട് നമുക്ക് ഉണരതിരിക്കനാവില്ല
ഉറക്കമാരംഭിച്ചു
ഒരു മണിക്കൂര്‍
മുപ്പത്തിനാല് മിനുറ്റ്
തികഞ്ഞിരിക്കുന്നു.

അതിശയം തന്നെ ......
നോക്കൂ ..
ഇവിടെമാകെ കുമിളകള്‍ ...
ഞാനും നീയുമിപ്പോള്‍
കുമിളകളായിരിക്കുന്നു ..
സപ്ത നിറങ്ങളില്‍
മിന്നി തിളങ്ങുന്ന നീര്‍കുമിളകള്‍ ..!