അബുട്ടിയുടെ സംശയങ്ങള്‍ ..

കോഴിയെ അറുത്ത 
മൊല്ലാക്കാന്റെ മൂത്തമോള്‍ 
സുന്ദരിയായിരിക്കുമോ 
ഉള്ളിയും തക്കാളിയും 
കൊണ്ട് വന്ന സഞ്ചിയുടെ
നിറം മഞ്ഞയായിരുന്നോ
വിറകുവെട്ടിയ ബീരാന്റെ
വീട് ചോര്ന്നോലിക്കുമോ
എന്നൊക്കെയെന്തിനാണ്
വെറുതെ ആലോചിച്ചു
കൂട്ടുന്നത്‌ ..?
പക്ഷെ അബുട്ടി അങ്ങിനെയാണ്
അപ്രസക്തമായ ഇത്തരം
സന്ദേഹങ്ങളാണു അബുട്ടിയെ
വേറിട്ട്‌ നിര്‍ത്തുന്നത് ..

ഓസിനു കിട്ടുന്നത്
വയറു നിറയെ തിന്നു
മൂടും തട്ടി പോയാല്‍ മതി ..
നാട്ടുനടപ്പും അങ്ങിനെയാണ്
പക്ഷെ അബുട്ടിക്കു
അതൊരിക്കലും സാധിക്കില്ല .
എല്ലാം വിസ്തരിച്ചു ചോദിച്ചറിയണം
എന്നാലേ മൂപ്പര്‍ക്ക്
സമാധാനം കിട്ടൂ ..

അബുട്ടിയുടെ
ചിന്തക്ക് കാട് കയറിയാല്‍
മാത്രം പോരാ ..
കാട്ടിലെ
ചാഞ്ഞും ചെരിഞ്ഞും
നില്‍കുന്ന മരങ്ങളുടെ
എണ്ണവും വണ്ണവും കൂടി
തിട്ടപ്പെടുതിയാലെ
തിരികെ പോരൂ ..

പെണ്ണ് കാണാന്‍ വന്നപ്പോള്‍
നീയെന്താണ് അടിയിലിട്ടിരുന്നത്
എന്ന ചോദ്യത്തില്‍
നിന്നാണല്ലോ കേട്ട്യോള്‍
ആയിശാബിയുമായി
അവസാനത്തെ
അടിയുടെ ആരംഭം ഉണ്ടായത് .

പിണങ്ങിപോവുമ്പോള്‍
അവളുടെ അടിപ്പാവാടയുടെ
നിറത്തെ കുറിച്ചുള്ള സന്ദേഹം
മനസ്സില്‍ നിന്ന് പോകുന്നെയില്ല
അബുട്ടിക്കു .
ഓള്‍ടെ പിണക്കം മാറ്റുന്നതിനെ
കുറിച്ച് ഒരടവും മനസ്സില്‍
വരുന്നെയില്ലത്രേ ..

അടിപ്പാവടയുടെ നിറമെന്തായലെന്താണ് ?
ങ്ങക്ക് ഓളെ കൂട്ടികൊണ്ട്
വരുന്നതിനെ കുറിച്ച്
ഒന്നും ആലോചിക്കാനവുന്നില്ലേ ..

എനിക്ക് ഒരു സംശയം കൂടിയുണ്ട്
ആദ്യ രാത്രിയില്‍
ഓള്‍ക്ക്
രതിമൂര്‍ച്ച ഉണ്ടായിട്ടുണ്ടാവില്ലേ
അതോ ...
വെറുമൊരു ഇക്കിളിയില്‍
കലാശിച്ചിരിക്കുമോ ..
സംശയം കേട്ട്
അന്തംവിട്ട ചങ്ങാതിമാര്‍
മുഖത്തോട് മുഖം നോക്കി
പിന്നെ
രണ്ടു കുട്ടികള്‍ ഉണ്ടായിട്ടു
ഇപ്പോഴാണോ ആദ്യരാത്രിയിലെ
സുഖങ്ങളുടെ റേഷന്‍ കാര്‍ഡ്‌
പരിശോധിക്കുന്നത് ?
ങ്ങക്ക്തു എന്തിന്റെ കേടാണ് ?
എന്ന് മൂപരോട് ചോദിച്ചു

അപ്രസക്തവും ബാലിശവുമായ
സംശയങ്ങളുടെ വൈക്കോല്‍
കൂനയാണ് അബുട്ടിക്ക .
ഉത്തരമില്ലാത്ത
ചോദ്യങ്ങളുടെ
മയ്യിത്ത്‌ കാട്ടിലാണ് മൂപ്പരെന്നു
വെറുതയല്ല ആളുകള്‍ പറയുന്നത്
മോന്തക്ക് നല്ല അടി കിട്ടഞ്ഞിട്ടാണ്
എന്നും കുശുകുശുക്കും
ചിലര്‍ ..

ഒടുവില്‍
പെണ്ണെ ,
മൂപ്പര് സാധുവാണ് ..
നല്ല കേയരിംഗ് ഉള്ളത് കൊണ്ടാണ്
ഇങ്ങിനെയൊക്കെ ചോദിക്കുന്നത്..
നീയതു കാര്യമാക്കണ്ട ..
രണ്ടു കുട്ടികളായില്ലേ ..
എന്നൊക്കെ
മധ്യസ്ഥര്‍ പറഞ്ഞു നോക്കി ...
പക്ഷെ കേട്ട്യോള്‍ ആയിശാബി
വരാന്‍ കൂട്ടാക്കിയില്ലന്നു
മാത്രമല്ല
കെയരിംഗ് ത്ഫൂ ..
ഒരൊറ്റ ആട്ടാണ് ..
മൂപ്പരെ ബാപ്പാന്റെ തലയാണ്..
എന്നും പറഞ്ഞു മോന്ത കനപ്പിച്ചു
അകത്തേക്ക്
ഒറ്റപ്പോക്കാണു .

പുറത്തു പറയാന്‍ കൊള്ളാത്ത
അനേകായിരം സംശയങ്ങള്‍
ചോദിച്ചു ഇടങ്ങേര്‍ ആക്കിയത്
കൊണ്ടാണ് ആയിശാബി
നിലപാട് കടുപ്പിച്ചതന്നു
വിളിക്കാന്‍ വേണ്ടി കൂടെ പോയവര്‍ക്ക്
അറിയാം

തിരികെ പോരുമ്പോള്‍
എന്നാലും
അവള്‍ക്കു ആദ്യ രാത്രിയില്‍
ഇക്കിളിയെന്കിലും തോന്നാതിരിക്കുമോ
എന്ന് പിറുപിറുക്കുന്നുണ്ടായിരുന്നു
അബുട്ടിക്ക ..
അതാണ്‌ അബുട്ടിക്ക ....