നിഴലുകള്‍ക്ക്
മാത്രമായി നിലകൊള്ളുന്ന
സ്വോതന്ത്ര നിഴലാധിപത്യ
രാഷ്ട്രമാണ് "അനാമിക "
ഇരുട്ട് ഭയന്നോടി
കടല്‍ താണ്ടി വന്നവരും
സൂര്യനപഹരിക്കപ്പെട്ട
സാമ്രാജ്യങ്ങളില്‍ നിന്നും
മരണ വെപ്രാളത്തോടെ
ആകാശം ചാടികടന്നു
വന്ന നിഴലുകളാണവിടെ
നിഴലുകള്‍ക്ക് .
ജാതിമത ഭേദമില്ലാത്തതിനാല്‍
വര്‍ഗീയതയും
തീവ്രവാദവുമില്ലന്നു പ്രത്യകം
പറയേണ്ടതില്ലല്ലോ .
ലജ്ജയോനാണമോ
ഇല്ലാത്തതിനാല്‍
സമ്പൂര്‍ണ്ണ എ സര്ട്ടീഫിക്കറ്റ്‌
രാഷ്ട്രമാകുന്നു അനാമിക .
നിതാന്തമായ പ്രകാശത്തില്‍
മറ്റൊന്നും ചെയ്യാനില്ലാത്തതിനാല്‍
നിഴലുകള്‍ പരസ്പരം
ഉമ്മവേക്കുകയും ഭോഗിക്കുകയും
ചെയ്യ്യുന്നു .
ഏഷണിയും
പരദൂഷണവും
പറഞ്ഞത് കൊണ്ട് പ്രത്യകിച്ചു
ഗുണമില്ലാത്തതിനാല്‍
അനാമികയില്‍
വക്രബുദ്ധികള്
എപ്പോഴും ഓഫ്‌ ലൈനില്‍
ആയിരിക്കും
വിപ്ലവകാരിയുടെയും
പുരോഹിതന്റെയും
നിഴലുകള്‍ തമ്മിലും,
തീവ്രവാദിയുടെയും
വര്‍ഗീയ വാദിയുടെയും
നിഴലുകള്‍ തമ്മിലും
അനമികയില്‍ വെച്ച്
സ്വോവര്ഗ രതിയില്‍
ഏര്‍പ്പെടുന്നത് പതിവാണ് .
അപ്പോള്‍ ,
ഭൂമിയില്‍
നിഴലുകള്‍ അവരുടെ
ഉടമകള്‍ക്കൊപ്പം
ആയുധമേന്തി ആരെയോ
വക വരുത്താന്‍ സംഘം
ചേരുകയായിരിക്കും .!
