സംസാരിച്ചു
നില്‍ക്കുന്നതിനിടയിലാരിക്കും ,
ചിലപ്പോള്‍
വണ്ടി ഓടിക്കുന്നതിനിടയിലായിരിക്കും
അല്ലങ്കില്‍
വായിക്കുന്നതിന്ടയിലാവം
അതുമല്ലങ്കില്‍
കമ്പനിയുടെ വാരാന്ത മീറ്റിങ്ങിനിടയില്‍
വെച്ചായിരിക്കും ചിന്തകള്‍
കുതറിയോടി
വായില്‍ മൗനം
നിറഞ്ഞു നാണക്കേടിലാവുന്നത്..
പറഞ്ഞു വരുന്ന
കാര്യങ്ങളില്‍ നിന്ന് ,ചെയ്തു പോരുന്ന
കര്‍മ്മങ്ങളില്‍ നിന്ന്
ഏതോ
വറ്റിവരണ്ട ആഴക്കിണറിനടിയിലേക്ക്
ആരാണ് എന്നെ വലിച്ചു
കൊണ്ട് പോവുന്നത് ?
മറ്റു ചിലപ്പോള്‍
ഇക്കാ ...
എന്ന് രതീഷ്
ഉപ്പാ എന്ന് മകന്‍
മൂതാപ്പാ എന്ന് മുഫി മോള്‍
അല്ലങ്കില്‍ ഒരു മിസ്സ്‌ കാള്‍
കേട്ടതായി തോന്നും
അവരുമായി
സൊറപറഞ്ഞു വരുമ്പോഴേക്കും
മീറ്റിംഗ് ഹാളില്‍ കൂട്ടച്ചിരി ..
ഞാനെവിടെയാണ്
നിര്‍ത്തിയത് ?
എന്താണ് പറഞ്ഞു വന്നത് ?
എന്താണ് ചെയ്തു കൊണ്ടിരിന്നതെന്ന്
ഓര്‍ത്തെടുക്കാനാവാതെ
കുറച്ചു നിമിഷങ്ങള്‍ ..
ഇങ്ങോട്ടാരും
വിളിക്കുന്ന പതിവില്ലങ്കിലും ,
ഇവരൊക്കെയെന്നെ
എപ്പോഴുമെപ്പോഴും
വിളിക്കുനതായി
തോന്നുന്നതെന്നു
ആലോചിക്കുന്നതിനിടയിലേക്കതാ
ഒരാണ്‍ കുട്ടിയുടെ
നിലവിളി കയറി വീണ്ടും
ഇടംകോലിടുന്നു .
No comments:
Post a Comment