ഹലോ ..
ആരാണ് ..ശശിയോ
ഏതു ശശി ..?
പറയൂ ശശി ...
ഹെന്ത് ..?
ഡ്രൈവറെ അന്വേഷിച്ചു
ഊര് ചുറ്റുന്ന
കാറുകളെ കുറിച്ചോ ?
അല്ലെ ..?
പിന്നെ ..?
മാറി മാറി ഓടിക്കാന്‍
കാറുകളന്വേഷിക്കുന്ന
ഡ്രൈവര്‍മാരെ കുറിച്ചാണോ
അതുമല്ലെ ..
എങ്കില്‍ ശശി തന്നെ പറയൂ
മൈലേജ് തീരെ
കുറഞ്ഞു കുറഞ്ഞു വരുന്ന
പഴയ മോഡലുകളെ
കുറിച്ചോ ..?
അതോ
ഹോണ്‍ അടിക്കുമ്പോള്‍
കരയുന്ന പോലെയൊരു
ശബ്ദം വരുന്നതിനെ കുറിച്ചോ ?
തെളിച്ചു പറ..ശശി
റീസെയില്‍
സാധ്യതയില്ലാത്തതു കൊണ്ട്
അനന്തമായി സഹിക്കേണ്ടി വരുന്നതിനെ
കുറിച്ചല്ലേ ...സാരമില്ല
അതുമല്ലെ ..?
എങ്കില്‍ വേഗം പറഞ്ഞു തുലക്കൂ ശശി ..
ബ്രോക്കരുടെ
നുണകളില്‍ കുരുങ്ങി
ചതിക്കപ്പെട്ടതിനെ
കുറിചെങ്ങാനും ആയിരിക്കും
ശരി ,,ശരി ...സമ്മതിച്ചു
ന്നാല്‍ ശശി തന്നെ പറയൂ ..
കവിതയോ
ഏതു കവിത ?
എത്ര വായിച്ചിട്ടും
മനസ്സിലാകാകുന്നില്ലന്നോ
അതിനു... ?
വാസ്തവത്തില്‍
ശശി എന്താണ് പറയാന്‍
ശ്രമിക്കുന്നത് ?
കാറുകളെ കുറിച്ചോ
അതോ
പൂരങ്ങളെ കുറിച്ചോ...?
ഒന്നുമില്ലന്നോ ..
എങ്കില്‍ പിന്നെന്തിനാണ്
വിളിച്ചു ബുദ്ധിമുട്ടിക്കുന്നത് ..?
ഹെന്ത് ...
ആരോടെങ്കിലും
പറഞ്ഞുതുലച്ചാല്‍
ആശ്വോസം കിട്ടുമെന്നോ ..
ഓക്കേ എങ്കില്‍ പറഞ്ഞോളൂ ..
ശശീ ............
.......................!
ശശിക്ക് അമ്മേം പെങ്ങളുമില്ലേ
ഇങ്ങിനെയൊക്കെ പറയാവോ ?
No comments:
Post a Comment