Friday, September 20, 2013

തലയില്ലാതെ ..





എവിടേക്കാണ്
ഇവരിത്ര തിടക്കപ്പെട്ടു പുറകിലേക്ക്
പായുന്നത്..?
അതോ 
ഞാനാണോ
വെപ്രാളത്തില്‍ മുന്നോട്ടു ഓടുന്നത് ?
എനിക്കൊന്നും
മനസ്സിലാകുന്നെയില്ല ..

കാത്തു കിടക്കുന്ന
ഖബറുകളില്‍ പ്രവേശിക്കാന്‍
തിടുക്കപ്പെട്ടു ഓടുന്നതായിരിക്കുമോ 

അതോ
ജീവനോടെ അടക്കം ചെയ്യപ്പെട്ടതിന്റെ
ബേജാറ് കൊണ്ട്
എനിക്ക് വെറുതെ തോന്നുന്നതായിരിക്കുമോ ....?

ഏതായാലും ഒരു കാര്യം
തീര്‍ച്ചയാണ്
ആരുടേയും ഉടലുകളില്‍
ഇപ്പോള്‍ തലകളില്ല ..

എന്റെ തലയുമിപ്പോള്‍ 

എനിക്കൊപ്പമില്ലല്ലോ 
അല്ലങ്കില്‍ തന്നെ
സ്വോന്തമായി ഒരു തലയുടെ
ആവശ്യമെന്താണ് ?

No comments:

Post a Comment