പ്രണയത്തിന്റെ
വിചിത്രമായൊരു ഇടനാഴികയില്‍
ഗാഡമായ ഒരു ചുംബനത്തിന്റെ
തൊട്ടു മുന്നെയുള്ള നിമിഷങ്ങളില്‍
നിന്റെ
ശ്വോസതിന്റെ നൂല്‍പലങ്ങളിലൂടെ
തേന് ഉറുമ്പുകള്‍ അരിച്ചുനടക്കും ..
വിറയ്ക്കുന്ന ചുണ്ടുകളില്‍
കാക്കകള്‍ കൂട് കൂട്ടുകയും
പ്രാവുകള്‍ കുറുകുകയും ചെയ്യും
അപ്പോള്‍
വെള്ളിമേഘങ്ങളുടെ
കീറ് കൊണ്ട് ഉണ്ടാക്കിയ
കുംബസാരകൂട്ടില്‍ നീ
പാഴായ കാലത്തെ ഓര്‍ത്തു
പശ്ചാത്തപിക്കുകയായിരിക്കും
പിന്നീട് ..
പൂമരത്തിന്റെ
തണലില്‍ മഴവില്ല് വിരിച്ചു
മലര്‍ന്നു കിടക്കുന്ന നിന്റെ
നഗ്നമേനിയില്‍ നക്ഷത്രങ്ങള്‍
മുളക്കുകയും അരുവികള്‍
പ്രത്യക്ഷപ്പെടുകയും
ചെയ്യും ..
ആകാശത്തിന്റെ
അതിരില്‍ നിന്ന് ആരോ
മകുടി ഊതുമ്പോള്‍
വിഷമില്ലാത്ത മൂര്‍ഖന്‍ പമ്പുകള്‍
പത്തിവിടര്‍ത്തി നിന്റെ മേനിയിലൂടെ
ഇഴയും ..
ഇടനാഴികയുടെ
രണ്ടറ്റങ്ങളുമിപ്പോള്‍
വളഞ്ഞു ഒന്നാവുകയും
പുറത്തേക്കുള്ള വഴിയറിയാതെ
നമ്മള്‍ പൊട്ടിച്ചിരിക്കുകയും
ചെയ്യും ...........!
No comments:
Post a Comment