അത് മാത്രമല്ല സംഭവിച്ചത്
കാറ്റിന്റെ ചില്ലയില്‍
കയര്‍ കുരുക്കി
ഒളിച്ചുകടത്തിയ കരളിന്റെ
തുടിപ്പുകള്‍
കളഞ്ഞുപോവുകയും .
പട്ടികളായി മാറിയ
ആട്ടിന്‍ പറ്റത്തോടൊപ്പം മേഞ്ഞു
നടക്കേണ്ടി വരികയും ചെയ്തു ..
വിചാരണ നിഷേധിക്കപ്പെട്ട
തടവുകാരന്‍റെ
ചുവരെഴുത്തുകള്‍ നോക്കി
പൊട്ടിച്ചിരിച്ചു
നടന്നകലുന്നു
ബൂട്ടിന്റെ കാലൊച്ചകള്‍ ..
നിന്ന നില്പില്‍
ഭൂമിയിലെക്കാഴ്ന്നിറങ്ങി
അപ്രത്യക്ഷമാവുന്നതിനെ
കുറിച്ച് .......
പൊടിപടലങ്ങളായി
മാറുന്നതിനെ കുറിച്ച്
ഒരു പൂവിന്റെ സുഗന്ധമായി
പര്യാവ്സാനിക്കുന്നതിനെ
കുറിച്ച് .......
പ്രണയിനികളുടെ
ചുംബന വേളയില്‍
ചുണ്ടുകള്‍ക്കിടയില്‍ പെട്ട്
ശ്വോസം മുട്ടി മരിക്കുനതിനെ
കുറിച്ച് ...
അങ്ങിനെ വ്യാമോഹങ്ങളുടെ
കുളമ്പടി ശബ്ദങ്ങള്‍
നിദ്രാവിഹീനങ്ങളാക്കിയ
രാവുകള്‍ .....
റബ്ബേ....
എന്തൊരു ഭാരമാണീ
ശരീരത്തിന് ...
No comments:
Post a Comment